Sport

Kitra – Seksiona Ambatondrazaka Raikitra ny fifanintsanana

Sport
Sabotsy 02 Septambra 2017

Ny sabotsy 2 sy alahady 3 septambra no hanombohan’ny fifanitsanana ho amin’ny fiadiana ny amboara ny seksiona Ambatondrazaka eo amin’ny taranja baolina kitra diviziona faharoa.

Klioba miisa 16 no hifanintsana ao anatin’ny telo volana. Nozaraina vondrona roa izy ireo ka ao amin’ny vondrona A no misy ny AMI Station, FC Voromanga Atsangasanga, FC Cobra Ilafy, FC Saint Michel Morarano Chrome, Zouk Massic Ambakireny, Etoile de l’Est Andingadingana, FC Fitiavana Manakambahiny Ouest ary ny FC Catch Fan Marianina. Mandrafitra ny vondrona B kosa ny AJA Ambatondrazaka, FC Fitiavana Andrarabaribe, FC Mami Manak’Ouest, AS Star Ambatondrazaka, FC Silac Ambalavato, JMA Ampasambazimba, FC Jivan Sport Ambatondrazaka ary ny FCM Mangalahala. Hanokatra ny lalao amin’io sabotsy io ny fihaonana eo amin’ny Ami Station sy ny FC Voromanga.

Niry A.