Sport

Kitra - Radio Fahazavana Toamasina Resin’ny Mpitandrina ireo solontenam-panjakana

Sport
Alatsinainy 13 Martsa 2023

Fahombiazana ny fankalazana ny faha-15 taonan' ny Radio Fahazavana ao Toamasina.

Nisy ny lalao ara-pirahalahiana baolina kitra natao tao amin’ny Stadium Barikadimy ny Sabotsy 11 Martsa nanamarihana izany. Ny Diakona nandrombaka ny fandresena 2 no ho 1 teo anatrehan'ny ekipan'ny Loholona. Nafana dia nafana koa taorian'izay ny lalao nifanandrinan’ny ekipan'ny Mpitandrina notarihin'ny prezida Synodaly sy ireo solontenam-panjakana notarihan'ny Prefen’i Toamasina Ambinintsoa Jean José. Ady sahala 1 no 1 no nisarahan’ny roa tonta tao anatin’ny fe-potoana ara-dalana ka niroso tamin’ny “tir au but”. Nivoaka ho mpandresy 3 noho 2 tamin’izany ny ekipan'ny Mpitandrina. Teny fanevan'ny fankalazana ny hoe : “Ezaho ny fiantsonao fa aza atao malemy” Isaia 58:Ia. Tamin’ny ankapobeny dia nilamina ny hetsika notantanan’ny Komity mpanomana notarihin'ny maître Rasamimaka Mahefalahy.
Jean D.