Sport

Kitra-« Poule des As » Vonona hatrany ny Elgeco Plus

Sport
Sabotsy 01 Septambra 2018

Anio sabotsy 01 septambra 2018 no hotontosaina etsy amin’ny kianjan’i Mahamasina ny lalao « Poule des As » andro faha-4

hifanandrinan’ny Elgeco Plus Analamanga sy ny Cnaps Sport Itasy noho ity toerana ity hanatanterahana lalao rugby rahampitso alahady 02 septambra tokony hanatanterahana azy. Tsy hanao akambo amin’ireo lalao sisa hatrehana amin’ity Poules des As ity izahay, hoy Randriamanampisoa Alfred filohan’ny Elgeco Plus, satria raha mandresy hatrany izahay amin’ireo lalao mbola hatrehana dia hanana isa 9 ary mety ho mbola hitana ny laharana voalohany amin’ity Poule des As ity sady ho fanomananay ny Telma Coupe de Madagascar 2018 koa ireo lalao ireo. Ady goavana ity fifandrinana amin’ny Cnaps Sport ity anio sabotsy, hoy izy, sady efa mampihatra ny fiaraha-mitantana izahay ankehitriny ka tsy hitsapatsapa mpilalao intsony.

Ntsoavina Evariste