Sport

Kitra - « Poule des As » Hanafika an’i Mahajanga ny FCV Vakinankaratra

Sport
Alakamisy 30 Aogositra 2018

Taorian’ny fiatoana kely noho ny nanatanterahana an’ireo lalao 1/4-dalan’ny Telma Coupe de Madagascar 2018 dia hitohy amin’ny alahady 02 septambra izao indray any Mahajanga sy etsy Mahamasina ny Poule des As amin’ny « Champion’s League Malagasy 2018 ».

Miditra amin’ny andro faha-4 ity fifaninanana ity ankehitriny ka any amin’ny kianja Rabemanjara Mahajanga dia horaisin’ny Fosa Juniors Boeny ny FCV Vakinankaratra. Fanontaniana hapetraky ny maro ny hoe : mbola mety hahatozona sahala ny Fosa toy ny tany Antsirabe tamin’ny 19 aogositra 2018 indray ve ny FCV amin’ity indray mitoraka ity ? Etsy amin’ny kianjan’i Mahamasina kosa dia hanala vela amin’ny Cnaps Sport Itasy naharesy azy 3-1 tamin’io faha-19 aogositra io tany Vontovorona ny Elgeco Plus Analamanga.

Ntsoavina Evariste