Sport

Kitra- Ligin’Amoron’i Mania Ho lasa seksiona 4 no handrafitra azy

Sport
Talata 20 Febroary 2018

Efa vita tamin’ny 27 janoary teo ny fanokafana ofisialy ny taom-pilalaovana 2018 ho an’ny ligin’ny baolina kitra any Amoron’i Mania tarihan’ny filoha vaovaony, Randriantsoaniaina Nirilanto, ka nisy ny “tournoi firaisankina” notanterahina tao Ambositra renivohitry ny Faritra tamin’izany : Ambositra 1 – 0 Fandriana.

Nomarihan’ity filoha ity fa seksiona 4 ankehitriny no mandrafitra ny ligin’ny baolina kitra any an-toerana dia Ambatofinandrahana, Ambositra ary Fandriana izay hiampy ny seksionin’i Manandriana vao hatsangana atsy ho atsy. Ireo no hisahana ny fifaninanan’ny sokajy D-2 fa ny ligy kosa no hisahana ny D-1 ahitana ekipa 8 ankehitriny ary hoezahina ho ekipa 10. Hoezahina ihany koa ny hisian’ny “tournoi” ho an’ny vehivavy sy ny U 15 ary U 17 amin’ity taona ity. Ny fiofanana samihafa hanatsarana ny baolina kitra Amoron’i Mania dia himasoana ihany koa. Efa miatrika ‘perfectionnement” ireo mpitsara any an-toerana ankehitriny.

Ntsoavina Evariste