Sport

Partagé sur :
• facebook

Tafaraka vondrona amin’i Seisela tompon’anaram-boninahitra ny Barea lehilahy ary tafaraka amin’i la Reunion ny vehivavy. Voarafitra tamin’ny herinandro lasa teo ireo vondrona ho an’ny taranja iombonana amin’ny Lalaon’ny Nosy ka anisan’izany ny baolina kitra. Ho an’ny lehilahy dia tafaraka vondrona amin’i Madagasikara i Seisela, ekipa tompondaka farany

miampy an’i Mayotte sy Maldives. Sambany koa hisy ny fifaninanana baolina kitra vehivavy amin’io Lalaon’ny Nosy hatao any la Reunion amin’ny volana aogositra io ka ao amin’ny Vondrona B no misy antsika malagasy, tafaraka amin’i la Reunion, Maorisy ary Kaomaoro. Nanamarika moa ny federasiona malagasy fa tsy afaka hiantso ireo mpila ravinahitra noho ireo datim-pifaninanan’ny Fifa ka ireo mpilalao eto an-toerana no tena handrafitra ny Barea. Saika ireo mpilalao efa nisongadina tamin’ny fifaninanam-pirenena teo ihany no ankamaroany ary efa nanaraka fampivondronana in-3. Mpilalao 20 moa izy ireo izay miatrika ny Cosafa Cup any Afrika atsimo. Mpanazatra ny Barea lehilahy Rajaonarisamba Franck ary mpanazatra ny vehivavy kosa Rakotomalala Johary sy Randrianarison Bruno. Vao hanomboka ny fampivondronany kosa ny vehivavy anio hatramin’ny 30 mey. Marihina fa manomana ihany koa ny Lalao afrikanina ny Barea vehivavy ary efa nihaona tamin’i Botsoana, resy 1-0 tany Botsoana ny 6 martsa teo. Mpilalao 35 no nantsoina hanaovana fifantenana sy hotsapaina ho eny Carion ho an’ny vehivavy.

Rasanda Serge

Ireo vondrona

Lahy :

A-Seisela, Mayotte, Maldives, Madagasikara

B-Reunion,Maorisy, Kaomaoro

Vavy :

A-Mayotte, Maldives, Seisela

B-Reunion, Maorisy, Madagasikara, Kaomaoro

Tia Tanindrazana

Samia mijoro ho an'i Gasikara.