Kitra_Lalao manasa-dàlana

Mahaliana ny fihaonan’ny Barea sy Kaomoro

Sport
Alarobia 30 Aogositra 2023

Vita ho azy ny fanomanana ny tompondakan’i Afrika na CAN manaraka,

raha izao fihaonana hatrehin’ny ekipam-pirenena malagasin’ny baolina kitra mandritr’ity lalaon’ny nosy atao eto Madagasikara ity izao no mitohy. Mahaliana ny fihaonan’ny Barea na ny ekipam-pirenena malagasy sy ny ekipam-pirenen’i Kaomoro anatin’ny manasa-dalana ny alakamisy 31 aogositra izao manomboka amin’ny 4 ora tolakandro. Ry zareo kaomorianina izay azo lazaina ho namiratra nandritry ny CAN 2021 tany Kameronina ary na ny faharesen’izy ireo 2 noho 1 nanoloana ny mpampiantrano tamin’ny lalao 1/8n-dalana aza mbola adihevitra be tamin’ireny fotoana ireny. Inoana fa Kaomoro sy Barea hanome endri-dalao mahafinaritra ity manasa-dalana ity ka dia “Alefa Barea!” hatrany moa izany.
J. Mirija