Sport

Kitra –Filohan’ny Ligy Matsiatra Ambony Kandida matanjaka i Mamany Gan

Sport
Alakamisy 23 Novambra 2017

Manomboka mafana ny tontolon’ny baolina kitra ary samy mihetsiketsika ireo kandida isan-tsokajiny any amin’ny faritra. Fantatra izao fa kandida amin’ny fifidianana filohan’ny ligy ao amin’ny faritra Matsiatra Ambony i Mamany Gan,

filohan’ny klioba Zanakala Fianarantsoa efa malaza amin’ny tontolon’ny kitra any amin’io faritra io. Seksionina 6 amin’ny 7 ao amin’ny faritra no fantatra fa efa manohana azy dia Fianarantsoa 1, Lalangina, Vohibato, Isandra, Ikalamavony, Ambohimahasoa ka efa nanambara fa hifidy azy. Tonga nanotrona an’i Mamany Gan tamin’ny fanambarany amin’ny fomba ofisialy izao maha kandida azy izao ny seksiona Ikalamavony na dia tsy afaka mifidy aza. Nambarany kosa fa ataony laharam-pahamehana ny fananganana izany amin’ny fomba ofisialy sy hampandrosoana ny hetsika rehetra ao. Ny seksiona Ambalavao irery ihany no tsy manohana an’i Mamany Gan hatreto amin’ity fifidianana filohan’ny ligy ho an’i Matsiatra ambony ity. Tsy asiana resabe fa dia fampandrosoana sy fampiroboroboana ny baolina kitra ao anatin’ny faritra Matsiatra ambony no fanamby apetraka, hoy i Mamany Gan ary efa noporofoina tamin’ny zava-bitan’ny klioba Zanakala Fianarantsoa izany, izay zavatra mbola azo hatsaraina hatrany moa.

Rabri