Sport

Kitra - Espaina Nahazo kiana mafy i Zinedine Zidane

Sport
Alarobia 27 Desambra 2017

Nahazo kiana mafy dia mafy tamin’ny gazety espaniola maro ilay mpanazatra ny ekipan’ny Real de Madrid taorian’ny faharesen’ny ekipa tantanany 3-0 nanoloana ny Barcelone,

tamin’ny Clasico notontosaina ny sabotsy 23 desambra teo tao amin’ny kianjan’i Santiago Bernabeu. Voalaza fa tena fositry ny faharesen’ny Real de Madrid ny safidy manokana nataon’i Zidane tsy nampilalao an’i Isco fa nampilalao an’i Kovacic. Teo koa ny fahataran’ny nampidirany an’i Gareth Bale sy Marco Asensio efa tany amin’ny minitra faha-72 tany. Tsy manenina amin’ny safidy nataoko aho, hoy i Zidane, fa manana ny fomba hitondrako ny ekipa tantanako. Tsy kivy aho fa fomban’ny lalao baolina kitra no mba resy indraindray. Ny hoavy ny ahy no banjiniko bebe kokoa. Nankahery azy noho ny ezaka vitany tao amin’ny Real tamin’ity taona 2017 ity ny filohan’ny klioba, Florentino Pérez, ka nahazoan’ny Real ny amboaran’ny Liga, Ligue des Champions, ny Super coupe d’Europe sy Espagne ary ny amboaran’ny Mondial des Clubs.

Ntsoavina Evariste