Sport

Kitra Eoropeanina – Liga Mieritreritra handao ny Barça i Messi

Sport
Alatsinainy 17 Aogositra 2020

Nambaran’ilay mpanao gazety Brezilianina Marcelo Bechler ao amin’ny gazety ara-panatanjahantena malaza Esporte Interativo, izay namoaka ny taona 2017 ny hialan’i Neymar ho an’ny amin’ny PSG

, fa te hiala ao amin’ny FC Barcelona i Lionel Messi taorian’ny taona fotsy ho an’ny kliobany tamin’ity taom-pilalaovana ity. Mandalo krizy tanteraka, indrindra fa ara-pitantanana ny FC Barcelone, fa isan'ny manan-tantara ihany koa ny nanamontsanan’ny Bayern de Munich azy 8-2 teo amin’ny ampahafeha-dàlan’ny Ligue des champions ny faran’ny herinandro teo, kanefa efa tsy nahazo ny amboaran’ny « Liga » tao Espagne. Loharanom-baovao avy ao anatin’ny klioba omaly 16 aogositra io, hoy Marcelo Becheler, ary efa mahalala izany ny mpitantana ny Barcelone, izay mikorapaka tanteraka. Maro mantsy ny mpilalao voalaza fa hamidy, saingy tsy ao anaty lisitra i Messi. Ny taona 2017 nifindrany dia nilaza i Neymar fa tokony hamiratra kokoa noho izao ny FC Barcelone, fa ny mpitantanana no fositra.

Toky R