Sport

Kitra - Copa Coca cola Nisongadina ny SFX sy Ste Famille

Sport
Alatsinainy 26 Aprily 2010

Fihaonana efatra tao amin�ny vondrona 1 no nanamarika ny andro voalohan�ny fifanintsanan�ilay fifaninanana Copa coca Cola karakarain�ny orinasa Star, ny alahady teo tetsy amin�ny kianjan�ny Esca Antanimena.

Tsara fanombohana ary nisongadina avy hatrany ny ekipan’ny kolejy ST François Xavier Antanimena izay nanamontsana ny Lycée Farandole 7-0 ary ny Ste Famille Mahamasina kosa nandresy mazava ny Les Joyeux Lurons 4-0. Ireo vokatra roa hafa, adin’ny samy CEG ka ry zareo Ambohimiandra nampiondrika an’Avaradoha 2-1 ary ny fihaonana farany dia niafara tamin’ny ‘tirs au but’ rehefa nisaraka sahala 1-1 hatreo amin’ny faran’ny fe-potoana ara-dalàna 70 minitra ka ny Collège de France no nivoaka nandresy tamin’ny isa 11-10 nanoloana ny kolejy Rasalama. Hitohy ny 2 mey izao ny fifanintsanana ho an’ny vondrona 2 indray. Ny 9 mey kosa ireo lalao ampahefan-dalana. Tsiahivina fa hifantenana mpilalao roa hiofana any Afrika atsimo izay ekipa tompondaka eo.

Hery Rabe