Sport

Kitra � CHAN 2011 Hosedrain�ny ekipa voafantin�i Boeny ny Barea

Sport
Alakamisy 18 Martsa 2010

Any Mahajanga no manohy ny fampivondronana ny Barean�i Madagasikara taorian�ilay lalao mandroson�ny fifanintsanan�ny fiadiana ny tompondakan�i Afrika (CHAN 2011) nifanandrinany tamin�ny Palancas Negras-n�i Angola izay natao tao amin�ny kianja Rabemananjara any alahady teo.

Amin’ity herinandro ity ihany anefa ny Barea no manoman-tena any amin’ny renivohitr’i Boina fa hiakatra eto an-drenivohitra indray izy ireo ny faran’ny herinandro izao. “Ho sarotra io lalao miverina io ka hametraka paikady hiatrehana izany izahay satria tsy maintsy hitady fandresena na dia hilalao an-tanin’olona aza, amin’ny alalan’ny sahala 1-1 na 2-2. Hanamafy ny vodilaharana izahay ary azo heverina koa ny hitady sahala 0-0 aloha dia avy miady ny tohiny. Anisan’ny hamafisinay koa ny lafiny famaranana izay lesoka tamin’ilay lalao mandroso teo”, hoy Rajaonarisamba Franck mpanazatra. Hiatrika lalao fitsapana ny Barea ny zoma izao ary hihaona ara-pirahalahiana amin’ny ekipa voafantin’ny Boeny. Ny sabotsy na alahady kosa dia hitodi-doha hiverina eto Antananarivo hanomana ireo taratasy ilaina amin’ny fiazoana an’i Luanda izay hanaovana ny lalao miverina ny 28 martsa ary ny 24 martsa ny delegasiona no hanainga.

Hanomboka amin’ity volana martsa ity ihany koa ny fanomezana tambin-karama ireo mpilalao ao amin’ny ekipam-pirenena araka ny fampanantenan’ny fitondrana FAT na dia efa tamin’ny volana novambra nandalovan’ny amboara eran-tany aza no nanaovana ny fanambarana ka 300 000 ariary avy isaky ny mpilalao raikitra izany ary 200 000 ariary ho an’ireo hafa voaantso fotsiny. Mbola sarotra anefa ny hamaritana izany. Efa votsotra koa aloha ilay fankasitrahana 5 tapitrisa ariary fanamby ho an’ny ekipa napetraky ny minisitra raha mandresy tamin’ilay lalao mandroso teo ary andrasana indray ny vokatry ny lalao miverina. Ny sazy mitentina 10 tapitrisa ariary vokatry ny korontana nataon’ny mpijery tamin’ny fihaonan’ny Ajesaia sy Uss Tamponnaise tetsy Mahamasina ny 28 febroary teo koa ity nilatsaka izay vola very fotsiny tsy maintsy aloan’ny federasiona amin’ny CAF.

Hery Rabe