Sport

Kitra - CAN U23 Tompondaka i Nizeria

Sport
Alatsinainy 14 Desambra 2015

Mitohy ny fahombiazan�ny kitra nizerianina. Taorian�ny nahavoahosotra ho tompondaka erantany ny latsaky ny 17 taona sy ny nandrombahan�ny latsaky ny 20 taona ny tompondakan�i Afrika,

dia mbola lasan-dry zareo koa ny amboara latsaky ny 23 taona, nandritra ny famaranana natao tao amin’ny kianja Léopold Sedar Senghor, Dakar - Senegal, ka nandresen’i Nizeria an’i Alzeria tamin’ny isa 2-1. Lalao izay teratany malagasy Hamada Nampiandraza no nitsara azy.

I Afrika Atsimo no laharana fahatelo nameno ny lapihazo, raha nanilika an’i Senegal mpampiantrano tamin’ny « tirs au but » 3 no ho 1 rehefa nirava ady sahala tsy nisy nitoko ny roa tonta nandritra ny fe-potoana ara-dalàna. Nizeria, Alzeria ary Afrika Atsimo izany no hisolotena an’i Afrika amin’ny Lalao Olympika hatao any Rio Brezila amin’ny 2016.

Jean D.