Sport

Kitra - CAN-2012 Nankinina amin�ilay Frantsay Jean Paul Rabier ny Barea

Sport
Alakamisy 22 Aprily 2010

Nitsidika tamim-pomba fifanajana ny Praiminisitra Camille Vital, teny amin’ny lapan’i Mahazoarivo omaly ny mpanazatra vaovaon’ny ekipam-pirenena Malagasy amin’ny taranja kitra na ny BAREA, i Jean Paul Rabier notronon’ny Minisitry ny fanatanjahantena Virapin Ramamonjisoa sy ny Filohan’ny Federasiona Malagasin’ny Baolina kitra, Ahmad. Ny Praiminisitra dia nirary fahombiazana ho azy amin’ny fanatanterahany ny asany miaraka amin’ireo teknisiana eto an-toerana ho fanatsarana bebe kokoa hatrany ny tontolon’ny fanatanjahantena Malagasy, indrindra ny baolina kitra. Naneho ny fahavononany hizara ny traikefany sy hampiakatra avo ny fahaiza-manaon’ny ekipam-pirenena Malagasy taranja baolina kitra i Jean Paul Rabier. Anisan’ny iraka ampanaovina azy rahateo ny hanomana ny ekipam-pirenena Malagasy hiatrika ny fiadiana ny ho tompondakam-pirenen’i Afrika, afaka roa taona (CAN-2012). Andraikitra hiantsorohany koa ny fanofanana ny teknisianina Malagasy. Tsiahivina fa efa mpanazatra ny ekipam-pirenena Burkinabé i Jean Paul Rabier, ny taona 2002-2004.

Nangonin-dRabe