Sport

Kitra - Barea Akademia Voatazon�ny Renioney sahala hatrany

Sport
Talata 15 Martsa 2016

Tsy nahovoka firy ny Barea Akademia taorian�ny nanamontsanany ny ekipan�i Mayotte tamin�ny isa mavesatra 4-0. Lalao izay natao tany La R�union, tao amin�ny kianja Klebert Picard Tampon ny faran�ny herinandro teo.

Voatazon’ny reniôney mpampiantrano tamin’ny isa sahala hatrany mantsy ny ekipa Malagasy izay manomana ny CAN U17 hatao eto Madagasikara amin’ny taona 2017. Ny sabotsy ny Barea kely nirava sahala 1-1 raha nihaona tamin’ny ekipa reniôney fah-2. Marihina fa natao 30 minitra in-droa niditra ny faharetan’ny fihaonana noho ny lalao isan’andro nifanesy nataon’ireto Barea ireto. Mbola ny tompon-tanàna no nampiditra ny baolina voalohany taloha kelin’ny fialan-tsasatra. Nanasahala ny isa ho antsika malagasy i Kevin (35’) ary io no baolina fahefatra tafidiny nandritra ireo lalao rehetra natrehin’ny Barea Akademia tamin’izao fandrantoana lalao tany Maorisy sy la Réunion izao. Mbola nirava sahala tsy nitoko koa ny fihaonan’ny Barea sy ny ekipan’ny la Réunion voalohany ny alahady teo. Efa Tafaverina an-tanindrazana omaly moa ny delegasiona Malagasy.

Rasanda Serge