Sport

Kitra - ASIEF Analamanga Fantatra avokoa ireo tompondaka

Sport
Sabotsy 01 Septambra 2018

Voahosotra ho tompondakan’ny baolina kitra ASIEF « Association Sportive Interministérielle pour l’Entretien des Fonctionnaires »

Analamanga 2018 tamin’ny lalao famaranana notontosaina teny amin’ny kianja Akamasoa Andralanitra omaly ny MDN Sokajy Vétéran nandavo ny Prima 2-0, ny MEN sokajy Mixte nandresy ny Senat 3-1, ny AN sokajy Elite nandavo ny DGCF tamin’ny “Tirs au but” (5) 2 – 2 (4) ary ny DGB sokajy tanora nandresy ny Capsat 2-1. Efa tompondaka talohan’ireo ka notolorana amboara omaly koa ny M2PAT sokajy Super Vétéran izay nandresy ny UA 5-4 tamin’ny « tirs au but ». Nafana dia nafana ny fanohanan’ireo mpiara-miasa aminy an’ireo ekipa tsirairay omaly teny Andralanitra ary tonga nanotrona an’ireo lalao hatramin’ny farany sy nanolotra an’ireo amboara niaraka tamin’ny filohan’ny ASIEF Foot-ball Analamanga, Rakotomalala Jean Paul, ny filoha nasionalin’ny ASIEF Andrianarison Jean Aimé Botosera (John Love) izay nanipika fa hatreto dia mbola miady irery tsy misy mpanohana na ny minisitera mpiahy aza ity hetsika Asief tarihany ity.

Ntsoavina Evariste