Sport

Kitra � Amboaran�ny Oseana Indiana Norombahan�ny Cnaps sport fanintelony

Sport
Alatsinainy 14 Desambra 2015

Tratra ny fanamby, fahombiazana tanteraka ho an�ny Cnaps sport Itasy ity taom-pilalaovana 2015 ity. Taorian�ny nahazoany ny anaramboninahitra tompondakan�ny ligin�Itasy sy ny pao-droa nisalorany ny anaramboninahitra tompondakan�i Madagasikara sy ny amboaran�i Madagasikara dia norombahan�ity

ekipan’Ampatsakana ity ihany koa ny anaramboninahitry ny oseana Indiana. Natao tany Mahajanga, tao amin’ny kianja sentetika Rabemananjara ny sabotsy tolakandro teo ny famaranana miverin’ny fiadiana ny amboaran’ny UFFOI. Taorian’ny ady sahala 1-1 tamin’ny lalao mandroso tany La Reunion dia nomontsanin’ny Cnaps sport tamin’ny isa mavesatra 5-2 tamin’io famaranana miverina io ny St Paul tompondakan’i la Reunion. Efa nitarika tamin’ny isa 2-1 ny malagasy hatreo am-pialan-tsasatra, ka nanokatra ny isan’ny Cnaps sport i Feno tamin’ny alalan’ny fitsarana “penalty” (22’) ary narahin’ny baolina matin’i Njiva (35’). Ilay mahorey milalao ao amin’ny St Paul, Rasolofo Antoine kosa no nahatafiditra ny baolina roa ho an’ny renioney (44’, 51’). Mbola nahatafiditra baolina roa fanampiny i Njiva tamin’ny fidirana fah-2, izany hoe nanao pao-telo izy tamin’ity lalao ity (58’, 85’). Ny baolina malagasy fah-5 moa dia tafiditr’i Lalaina (72’). Ity izany no anaramboninahitra fah-3 aty amin’ny oseana Indiana ho an’ny Cnaps sport taorian’ny tamin’ny 2013 sy 2014.

Rasanda Serge