Mifanesisesy ny fiatrehana fifaninanana iraisam-pirenena ho an’ireo mpikatroka kick boxing malagasy.
Taorian’ny fahombiazana azo tamin’ny « Coupe des Nations » tany Maorisy herinandro lasa dia nisy Malagasy nisongadina indray tamin’ny fiatrehana ny « Gala International » tany Saint André tany la Réunion. Niaro voninahi-pirenena ary tsy nitsanga-menatra tamin’izany Ramanandraibe Aline Melanie izay nandresy an’isa raha nifanandrina tamin’ilay taearany frantsay Claire Abbaye. Tsiahivina fa i Aline dia efa nisalotra ny anaram-boninahitra tompon-dakan’i Afrika tamin’ny sokajy -63kg vehivavy.
Rasanda Serge
Tia Tanindrazana
Samia mijoro ho an'i Gasikara.