Sport

Kick Boxing Tontosa ny Fantomas andiany faha-2

Sport
Alatsinainy 29 Oktobra 2018

Tontosa tetsy amin’ny kianja mitafon’i Mahamasina omaly alahady 28 oktobra 2018 ny fifaninana kick boxing “FANTOMAS” andiany faha-2 nokarakarain’ny fikambanana’ireo mpanorina ny taranja kick boxing eto Madagasikara.

Fihaonana niisa 21 no natrehana tetsy Mahamasina ka mpikatroka lahy sy vavy avy amin’ny Faritra Analamanga, Vakinankaratra, Matsiatra Ambony ary Atsimo Andrefana no nandray anjara tamin’ny fihaonana. Nampiavaka an’ity Fantomas andiany faha-2 ity dia ny fanolorana lelavola avy an’ireo mpifaninana rehetra ka ankoatra ny amboara sy medaly azon’ireo mpandresy rehetra dia samy notolorana lelavola 1 hetsy ariary avy izy ireo ary notolorana 5 alina ariary kosa ireo resy. Nisy aza ny lalao Grand Prix lahy sy vavy nanolorana 2 hetsy ariary avy an’ireo mpandresy ary 1 hetsy ariary avy an’ireo resy. Nomarihan’i Me Rakotobe Henri Gilbert filohan’ny hetsika FANTOMAS teny Mahamasina omaly fa natao indrindra hanampiana an’ireo mpikatroka hiatrika lalao misimisy no anton’ny namoronana ny fifaninana Fantomas.

Ireo mpandresy nahazo 1hetsy ariary omaly : -45 kg Tantely (Fianarantsoa), Rova (Cktas) ; -51kg Safic (Tchunami), Nambinina (3Fb) ; Vehivavy : -52kg Sandra (Ankoay), Rindra (Afkm), Natacha (3fb) ; -60kg GP Fahendrena (Afkm) : Lehilahy : -54kg Jean Joresse (Etoile du Sud), Toky (3Fb) ; -57 kg Nambinintsoa (Cisc), Aina (Tamia), Avotra (Scorpion), Jean Claude (Ckba), Billy (Gsl) ; -60kg Belouh (Tigers), Arthur (Ftbf), Dago (Cisc), Jessy (Cobra) ; -63kg Naval (Ftbf) ; -67kg GP Zo (Afkm)