Sport

Kick Boxing Tompondakan’Analamanga 2019 Handraisan’ny seksiona 5 anjara eny Ankorondrano

Sport
Alakamisy 06 Jona 2019

Nambaran’ny filohan’ny ligin’Analamanga amin’ny taranja Kick Boxing, Rakoto Minoharifetra teny Mahamasina omaly alarobia 05 jona fa ho tanterahina eny amin’ny kianja mitafon’Akorondrano amin’ny alahady 16 jona 2019 manomboka amin’ny 8 ora maraina tsy diso ny fiadiana ny ho

tompondakan’ny ligy tarihany taona 2019 ka izay tafavoaka ho tompondaka amin’io fihaonana io no hisolontena ny ligin’Analamanga any amin’ny fifaninanana nasionalin’ny kick Boxing sokajy Low Kick ho tanterahina any Fianarantsoa amin’ny volana jolay 2019 ary ireo tompondaka lefitra kosa no havondrona hiatrika ny fifaninanana K-1 amin’izany. Ny hampakatra avo ara-bakiteny an’ity taranja ity no tarigetran’ny ligy tarihako, hoy izy. Mpikatroka miisa 75 kilasy A avy amin’ny seksiona 5 misy ao amin’ity ligin’Analamanga ity (Antananarivo-renivohitra, Andrefan’Iarivo, Avaradrano, Atsimondrano ary Atsinanana na Manjakandriana) no handray anjara amin’ny ady 37 hatrehana amin’io andro io, hoy ny Ctr-n’ny ligy Me Rakotomalala Gaston Joseph.

Ntsoavina Evariste