Sport

Kick Boxing - Tompondaka eran-tany Nahazo fandresena 3 ny Malagasy

Sport
Alarobia 28 Oktobra 2015

Tsara fanombohana omaly any amin�ny fiadiana izay tompondaka eran-tany amin�ny taranja Kick boxing atao any Serbie ny mpikatroka Malagasy.

Lalao 4 no natrehana ka fandresena 3 sy faharesena 1 no azon’ny ekipam-pirenena malagasy. Ramiandriray Feno Naval no niaka-tsehatra voalohany ka nandresy an’i Shameret Hallyyev (Turkmenistan) tamin’ny isa 3-0. Resin’i Mamonjisoa Severin 3-0 ihany koa ilay Breziliana Bruno Ceruti, teo amin’ny round 1 dia efa nisaina ilay Breziliana satria fanina tanteraka ary nidaraboka tamin’ny tany rehefa voadonan’i Severin mafimafy. Mbola nibata fandresena ihany koa i Jhonny raha nifanandrina tamin’ilay Italiana Emanuele Tetti Menichelli (3-0). Tsy nahatohatra ilay Serba Sedad Bukvic kosa anefa i Razanajatovo Elfazar Fazaraly omaly tolakandro ary dia resy na dia efa niady mafy ihany aza. Fihodinana voalohany amin’ny fifanintsanana iny natrehan’ny mpilalao malagasy omaly iny fa mbola mitohy ny lalao.

Nangonin’i RTT