Sport

Kick-boxing Seksiona Antananarivo Renivohitra Nahatratra 20 ireo ady tetsy Mahamasina

Sport
Alatsinainy 11 Septambra 2017

Nahatanteraka ny fiadiana ny ho tompondakan’ny “classe C sy D” taona 2017 ao aminy, omaly alahady 10 septambra tetsy amin’ny Dojo Cospn tetsy Mahamasina, ny seksionan’ny Kick Boxing Antananarivo Renivohitra.

Nanodidina ny 20 tany ho any ireo ady natao tamin’izany izay nisongadinan’ny klioban’ny 3Fb sy Tigers ary ny Cosfa sy Ftbf tamin’ny ankapobeny. Ho an’ity farany dia mpikatroka 3 tamin’ireo 8 nandray anjara no nibata ny fandresena dia i Ando (57 kg) nandresy tsy niady noho ny tsy fahatongavan’ny mpifanandrina taminy, i Nirina (51 kg nandresy an’i Setra Cop ary i Fetra (45 kg). Marihina fa ireo rehetra nandresy tamin’ity “Classe C sy D” ity dia tafita avokoa hiatrika ny lalao famaranana miaraka amin’ny “Classe A”.

Ntsoavina Evariste