Sport

Kick Boxing Malagasy Mpikatroka Analamanga 19 ho any Fianarantsoa

Sport
Alarobia 18 Septambra 2019

Mpikatroka kick Boxing 19 mianadahy “toutes catégories” (lahy 14 ary vavy 5) avy eto Analamanga no fantatra fa hihazo an’i Fianarantsoa

toerana hanatanterahan’ny ekipam-pirenen’ny taranja Kick Boxing Malagasy fampivondronana sy fanomanan-tena amin’ny hiatrehana ny fiadiana ny ho tompondaka eran-tany amin’ity taranja ity sokajy seniors (LC, LK, K-1) izay hotanterahana any Sarajevo any Bosnie-Herzégovine ny 19 ka hatramin’ny 27 oktobra 2019. Ho “Sparring-partners” ho an’io ekipam-pirenena Malgasy io ireto mpikatroka Analamanga “Analamanga Puissance” ireto amin’izany ka hanatanteraka fihaonana ao amin’ny kianja mitafon’Ambatomena ny roa tonta ny 22 septambra 2019 ho avy izao.

Ntsoavina Evariste