Sport

Kick Boxing Hiady ny tompondakan’ny seksiona Antananarivo

Sport
Sabotsy 09 Septambra 2017

Nambaran’ny filohany, Ralijaona Léon, fa hanatanteraka ny fiadiana ny ho tompondakany taona 2017 etsy amin’ny Dojo Cospn Mahamasina amin’ny

alahady izao ry zareo eo anivon’ny seksion’ny taranja kick boxing Antananarivo Renivohitra tarihany. « Combats classés A sy B » no hotanterahina raha ny nambaran’ity filoha ity. Kliobana kick boxing miisa 13 no ho avy handray anjara amin’ny fifaninanana, anisan’izany ny klioba Ftbf na ny Full Thai Boxing Finance tarihan’i Me Patrice etsy Antaninarenina. 10 mirahalahy ireo solontenanay hiakatra ringa amin’io andro io, hoy i Me Maminirina mpanazatra ao amin’ity klioba ity.

Ntsoavina Evariste