Sport

Kick Boxing Fahombiazana ny « Combats de défi »

Sport
Alatsinainy 05 Aogositra 2019

Tontosa an-tsakany sy an-davany omaly alahady 04 aogositra 2019, tetsy amin’ny kianja mitafon’i Mahamasina, ny hetsika Kick Boxing « Combats de défi » nokarakarain’i Me Alain Michel niaraka tamin’ny klioban’ny Super

Eagles tarihan’i Me Francis sy ny klioban’ny Aigle Vert tarihan’i Me Jeannot ary ny klioba Dragon tarihan’i Me Marilyn. Afa-po izahay mpikarakara tamin’ny ankapobeny, hoy i Me Alain Michel, fa tonga namaly ny antso avokoa tsy nisy banga ireo mpikatroka nasaina rehetra ka nahatontosana ny ady niisa 20 natrehan’ny mpijery sy mpitia an’ity taranja ity izay tonga maro namaly teny Mahamasina. Mampanantena sahady dieny izao izahay mpikarakara efa-tonta ireto fa ho avy tsy ho ela indray ny « Combats de défi kick boxing » manaraka. Marihana fa ankoatra an’ireo Combats de défi lahy sy vavy niisa 16 ary ny Grand défi niisa 4 dia ny Combat d’ouverture niisa 6 nandraisan’ireo katitakely -28 kg ka hatramin’ny -37 kg no nanomboka ny hetsika tamin’io omaly io.

Vokatry ny Grand défi 4 natao omaly :

Sokajy vehivavy : -54kg : Judie (3Fb) nandresy an’i Claudia (Afkm)

Sokajy lehilahy : -54jg : Sylvio (Aflkm) nandresy an’i Sylvain (Mkc) ; -57 kg : T oky (3Fb) nandresy an’i Aina (Tamia) ; -60 kg : Belouh (Tiggers) nandresy an’i Angelo (Ckba)

Ntsoavina Evariste