Sport

Kick Boxing – Faha-10 taonan’i Me Francis Lalao 30 no natrehana tamin’ny sabotsy teo

Sport
Alarobia 04 Aprily 2018

Mpikatroka nahatratra 70 avy amin’ny klioba eto Antananarivo sy Antsirabe ary avy any Moramanga no niatrika an’ireo lalao niisa 30 nalahatry ny mpikarakara tamin’ny fankalazana ny faha-10 taona niangalian’i Me Razafimahatratra Francis ny taranja Kick Boxing (lalaon’ny Cadet 6, junior 15 ary Sénior classe C 9), tetsy amin’ny kianja mitafon’i Mahamasina tamin’ny sabotsy 31 martsa lasa teo.

Tratra ny tanjona, hoy ny lehilahy tamin’ny ankapobeny raha ny fahavitrihan’ireo mpandray anjara avy amin’ireo Faritra 3 ireo fotsiny no ambara sy ny tohana nasehoan’izy ireo ny tena. Maro ny dingana efa vitan’ity maître ity teo amin’ity sehatra ity toy ny nahazoany ny amboara nasionaly ohatra, ny anaram-boninahitra tompondakan’i Madagasikara sy tompondakan’ny faritra faha-4 aty Afrika teo amin’ny sokajin-danja -63 kg izay izy lasa mpitantana ny ekipan’ny Super Eagles Itaosy nandritra ny 3 taona izao sady DTC an’ny seksion’ny kick Boxing Atsimondrano ihany koa.

Ntsoavina Evariste