Sport

Kick Boxing Analamanga Fantatra ireo tompondaka 2019

Sport
Alatsinainy 17 Jona 2019

Mpikatroka nahatratra 85 avy amin’ny seksiona 5 mandrafitra azy (Antananarivo-renivohitra, Avaradrano, Atsimondrano, Andrefan’Iarivo ary

Manjakandriana) no niatrika ny fiadiana ny ho tompondakan’ny ligin’Analamanga eo amin’ny taranja Kick Boxing teny amin’ny kianja mitafon’Ankorondrano omaly alahady 16 jona tontolo andro. Nahavelom-bolo, hoy ny filohan’ity ligy ity Rakoto Minoharifetra, ny fahavitrihan’ireo mpandray anjara rehetra izay hita fa samy niakatra avokoa ny haavo teknikan’izy ireo. Nilamina ny fandaminana sy ny fizotran’ny fifaninana tamin’ny ankapobeny ary hisaorana koa ireo mpitsara tena nahafehy ny lalao tamin’ny antsakany sy andavany avy. Vonona izay izao ny ligin’Analamanga hiatrika ny fifaninanam-pirenena fiadiana ny ho tompondakan’i Madagasikara eo amin’ny Low kick sy K 1 ho tanterahina any Fianarantsoa fa efa fantatra avokoa ireo tompondaka sy tompondaka lefitra hiatrika an’izany.

Fantaro ireo tompondaka lahy sy vavy 2019 : (-42kg), Finaritra (-44kg), Avotra (-45kg), Julio (-47kg), Midera (-47kg), Sandra (-48kg), Albert (-51kg), Jean José (51kg), Rindra (-52kg) , Todidsoa (-52kg), Judie (-52kg), Sylvain (-54kg), François (54kg), Anita (-56 kg), Claudia (-56kg) , Aina (-56kg), Toky (-57kg), Diary (-57kg), Jessy (-60kg), Mahenina (-60kg), Cristien (-67 kg), Marc(-63,5kg) ary Andy (-83kg).

Ntsoavina Evariste