Sport

Kianjan’i Barikadimy Mbola manalasala

Sport
Alarobia 11 Martsa 2020

Raha ny fampitam-baovao voaray avy any Toamasina dia mbola manalasala aloha hatreto ny hahafahan’ny kianjan’i Barikadimy handray ny lalao hifanandrinan’ny Elefantan’i Cote d’Ivoire

sy ny barean’i Madagasikara ny 31 martsa izao ao anatin’ny fifanintsanana hiadiana ny tapakilan’ny amboaran’i Afrika eo amin’ny taranja baolina kitra. Raha ny fantatra hatreto dia mbola tsy nanome fankatoavana izany ny kaonfederasionina afrikanina na CAF. Misy ny fenitra izay mbola tokony ho jerena akaiky sy alamina satria taorian’ny oram-be izay nikija farany teo, ohatra, dia tafiditry ny rano hatrany anatin’ireo toeram-pisoloana akanjon’ireo mpilalao.

J. Mirija