Sport

Kianjaben’i Mahamasina Mety tsy ho tratra ny 26 jona

Sport
Sabotsy 16 Mey 2020

Tombanana hisy fahatarana 1 volana sy tapany eo ny fahavitan’ny dingana voalohany amin’ny fanavaozana ny kianjaben’i Mahamasina, raha ny fanazavan’ny tompon'andraikitra sady mpanolontsaina manokan’ny filoham-pirenena, Gerard Andriamanohisoa.

Ny fiantraikan’ny fipariahan’ny aretina COVID 19 eto amin’ny firenena no antony, raha ny fanazavana, satria voatery natoka-monina aloha izany ireo tokony hanatontosa ny asany ao anatiny ao. Miezaka ihany anefa izy ireo mamita izay azony atao mba hanenjika izay fahafahana manatontosa ny fetim-pirenena izay. Ireo lalao iraisam-pirenena kosa aloha dia azo antoka fa mbola tsy maintsy hitadiavana toeran-kafa hanatontosana azy. Mety ho ny kianjan’i Barikadimy Toamasina izany. Mety ho kianja hafa koa anefa, raha ny fanazavana hatrany.

J. Mirija