Sport

Kianja Rabemananjara Tombanana ho vita ny fiandohan’ny 2023 ny fanarenana

Sport
Alatsinainy 21 Novambra 2022

Nanolotra fitaovana ho an'ireo klioba miisa 16 mandray anjara amin'ny "Orange Pro League" na OPL toy ny baolina kitra entina miatrika ny taom-pilalaovana 2022-2023 ny fitondram-panjakana.

Nanomboka ny sabotsy 19 novambra teo ary tsy hifarana raha tsy ny volana jona 2023 indray moa ny taom-pilalaovan’ny OPL izay fifaninanana eo amin’ny taranja baolina kitra ho an'ireo klioba matihanina eto Madagasikara ity. Nanome toky tamin'ny alalan'ny mpitondra tenin'ny filoham-pirenena, Ranoromaro Lova Hasinirina, ny fitondram-panjakana fa handray an-tanana ny fandanian'ireo klioba izay tafavoaka amin'ity fifaninanana ity ka hisolotena an'i Madagasikara eo amin'ny sehatra afrikanina. Vahana ny olana eo amin'ny resaka kianja. Hatolotra hilalaovana ireo kianja manara-penitra efa vita. Hitondra fanarenana ny kianja Rabemananjara Mahajanga ny fitondram-panjakana ary tombanana ho vita ny ny fiandohan’ny taona 2023 izany, hoy hatrany ny fampitam-baovao sy fanazavana.
J. Mirija