Sport

Kianja Rabemananjara Mahajanga Tena efa mila soloina ny bozaka Sentetika

Sport
Talata 13 Aogositra 2019

Ankoatra ny fefy manasaraka ny kianja sy ny mpijery ilaina amin’ny lalao iraisam-pirenena sy ireo toerana fijerem-baolina (tribune sy gradin) izay tena mila fanavaozana goavana ao amin’ny kianja Rabemanjara Mahajanga

dia tazana efa mihasimba ihany koa ny bozaka sentetika misy ao amin’ity kianja ity izay efa tany amin’ny taona 2009 tany no nitokanana azy. Tafaresaka fohy tamin-dRabemanjara Alban na i Babà mpilalao fahiny tao amin’ny Sotema Mahajanga ary tao amin’ny ekipam-pirenena Malagasy ny Club M fahiny ihany koa sady mpikarakara teo aloha an’ity kianja sentetikan’i Mahajanga ity ny solontenan’ny gazety Tia Tanindrazana nandalo tany an-toerana ka nilazany mazava fa efa misotro ronono ankehitriny ny tenany nefa mbola miasa ao amin’ity kianja ity ihany saingy efa ny kaominina an-drenivohitr’i Mahajanga manontolo ankehitriny no misahana ny fikarakarana an’ity kianja sentetika voalohany natsangana teto Madagasikara ity. « Tena efa mila ho soloina tanteraka ankehitriny io bozaka sentetika eto amin’ity kianja Rabemanjara ity, hoy izy, fa efa trotraka na dia mbola ananana maro aza ny akora fikarakarana azy io.

Ntsoavina Evariste