Sport

Kianja mitafo Soavita - Toamasina Nahazo fitaovana manara-penitra

Sport
Alarobia 20 Desambra 2017

Tao anatin’ny fanatanterahana ny “Tounoi basket veterans "Lakana tsara voha" notontosain’ny ligin’ny basiketin’Atsinanana ny faha-15 sy 16 desambra teo ka nahazoan’ny ekipa vehivavin’ny JCBA Analamanga

sy ny lehilanin’ny ASCUT Atsinanana fandresena no nanoloran’ny mpanolontsaina manokan’ny filoham-pirenena Hery Rajaonarimampianina, Mbola Rajaonah, ofisialy ny “panneaux plexiglas” miaraka amin’ny “cerceaux flexible” filalaovana taranja basikety manaraka ny fenitra iraisam-pirenena hoan’ny kianja mitafon’i Soavita. Avy amin’Atoa filoham-pirenena Malagasy izany fitaovana manara-penitra izany niaraka tamin’ny fanavaozana ny gorodon’ny kiana filalaovana ao amin’ity toerana ity. Nisy ihany koa fanoloran’ny filohan’ny Fmbb, Ramaroson Jean Michel, baolina filalaovana ho an’ny ligin’ny basikety any Atsinanana mba ho fampiroboroboana an’ity taranja ity hoan’ny tanoran’i Toamasina.

Ntsoavina Evariste