Sport

Kianja manara-penitra Vola nariam-potsiny ny ao Moramanga ?

Sport
Alatsinainy 14 Martsa 2022

Taorian’ny naha dibo-drano azy tamin’ny andron’ny rivodoza, mitohy ny maha lasa toeram-panariam-pako ny kianja manara-penitra ao Moramanga.

Lasa firaofan’ny vilona ihany koa, raha ny fampitana an-tsary avy any an-toerana. Volam-panjakana tsy toko tsy forohana no natontona sy nolaniana tamin’ireny, saingy tahaka ny vola natsipy teny ambaravarankely, raha dinihina amin’ny zava-misy. Vao tsy ela akory izay no nahatrarana raharaha halatra fingotra hnamboarana kianja manara-penitra tany amin’iny faritra Alaotra Mangoro iny ka heverina fa misy ifandraisany amin’izany ny mety tsy fahavitan’izy ireny hatramin’ny farany. Toa miharihary sy voaporofo ihany koa fa zavatra tsy laharam-pahamehana, saingy iniana atao any fotsiny, ka tsy atao mahagaga raha izao no miseho. Izao ve no atao hoe: fahaiza-mitantana sy fahaizana mamaritra ny laharam-pahamehana ho an’ny vahoaka ?
Toky R