Sport

Kianja filalaovam-baolina Lasa olana lehibe eto an-drenivohitra

Sport
Talata 19 Desambra 2017

Maro ireo mpilalao baolina kitra eto an-drenivohitra, indrindra fa ny any amin’ny faritra iva no tsy manana kianja filalaovam-baolina intsony.

Anisan’ny manampy ny olom-pirenena tsirairay avy hiala voly anefa ny fisian’izy ireny sady miaro ny tanora tsy hanaotao foana ihany koa. Ho an’ny Stade de l’Ikopa etsy Anosizato Andrefana manokana, toerana efa nohajarian’ny fikambanana HAFARI Malagasy hatramin’izay dia fanirian-dRafanomezantsoa Jean Nirina ny hahatonga azy io ho kianja lehibe indrindra hilalaovana baolina kitra sy baolina lavalava. Nisy ny lalao famaranana notanterahina teny an-toerana ny alahady teo ka nanoloran’ny fikambanana omby iray ho an’ny mpandresy. Nambaran-dRafanomezantsoa Jean Nirina nandritra izany fa fony tsy nigadra ny tenany dia efa nanajary io toerana io ary hatramin’izao dia mitohy hatrany ny asa sosialy hiantsorohany entina hanampiana ny mpiara-belona.

Pati