Sport

Kianja Bonne Chance 4 Anosizato Naaton’ny fanjakana ny fanorenana trano eo amboniny

Sport
Zoma 08 Martsa 2019

Nanao fanambarana ampahibemaso ny fikambanana Hafari Malagasy nilaza fa faly tanteraka ry zareo fa na dia sorona aza ny filohany Rafanomezantsoa Jean Nirina noho ny fitarihany niaraka tamin’ireo

komity sy raiamandrenin’ireo mpilalao eny Anosizato mitaky ny hamerenana ny kianja Bonne Chance 4 ahazoana indray mamerina ny mitaiza ny tanora ara-panatanjahantena dia fantatra izao fa naaton’ny fitondram-panjakana tamin’ny alalan’ny ministeran’ny fanajariana ny tany ny asa fanorenena trano ao amin’ny kianja Bonne Chance 4 ao Anosizato. Tsapanay sahady, hoy ny tohin’ny fanambaran’ny Hafari, ny handresenay satria lehilahy mpanao vivery ny ainy ho an’ny tanindrazana sy mpandala ny fahamarinana izy kana ho ela na ho haingana dia tsy maintsy hiverina ho an’ny Malagasy ny kianja Anosizato sy ny zaridainan’Antaninarenina. Hanterinay etoana fa tsy marina ny fiampagana ny filohanay ho nanao « menace de mort » ny olona nitory azy mikasika ny fitakiana an’ity kianja eny Anosizato ity ».

Ntsoavina Evariste