Sport

Kianja BAREA Mahazaka mpijery 40 000

Sport
Alatsinainy 14 Jona 2021

Efa vita hatrany amin’ny 90% ny asa fanamboarana ny kianjan’i Barea Mahamasina,

izay manaraka ny fenitra takian’ny FIFA. Mahazaka mpijery hatrany amin’ny 40.000 isa ity kianja ity raha antsasak’izany teo aloha. Mizara roa miavaka tsara ny kianja. Misy ny zone A izay ahitana efitrano natokana ho an’ireo manam-pahefana, ny mpanao gazety….. eny amin’ny tribune. Ho an’ny zone B kosa dia natokana ho an’ny gradin rano fotsiny natao ho an’ny sarambabem-bahoaka. Ahitana seza ho an’ireo olona manana fahasembanana miisa 90 ao anatin’ny kianja ho fanomezan-danja azy ireny. Misy ihany koa ny lalana hahafahan’ny mpamonjy voina miditra raha sanatria ka misy loza mitranga, fenitra izay takian’ny FIFA ihany koa. Mahatratra 6 moa ny vavahady fidirana ao amin’ity kianjaben’i Barea ity. Ny Sabotsy lasa teo no noraisina vonjy maika ny kianja natrehin’ny mpanolontsaina manokan’ny Filoham-pirenena Atoa Gerard Andriamanohisoa. Tsara ho marihana fa manana milina mpamokatra herinaratra manokana ho azy ny kianja Barea

Pati ‘