Sport

Kianja Barea Mahamasina Vita ny lasi-tsimenitra ivelan’ny “tribune”

Sport
Alatsinainy 16 Novambra 2020

Vita tanteraka ny lasi-tsimenitra (beton) ivelan’ny “tribune” ao amin’ny Kianjaben’i Mahamasina na Kianja Barea atsy ho atsy moa izany, raha ny fampahafantarana avy eo anivon’ny sampan-draharaha misahana ny tetikasan’ny filoham-pirenena.

Mazamazana ny fiakarana mihazo ny 32 metatra miala amin’ny tany. Mbola mazamazana ihany koa ny famitana ny tohatra anatiny sy ny tambazotra fitsinjarana herinaratra, aterineto, fandanjana hafanana ary fitarihan-drano raha ny tsikaritra amin’ny sary. Nisy moa ny fidinana nijery ny asa vita nataon’ireo tompon’andraikitra ny faran’ny herinandro teo. Efa vita torak’izany ihany koa ny fototry ny “gradin” vaovao, raha ny fampitam-baovao hatrany.

J. Mirija