Sport

Kianja Barea Mahamasina Efa azo ilalaovana amin’ny volana martsa

Sport
Alatsinainy 04 Janoary 2021

Lalao roa be izao no miandry ny ekipam-pirenena Malagasy afaka telo volana :

fihaonana amin`i Etiopia any Addis Abeba ny 23 martsa izao, izay tafiditra amin`ny andro fahadimy amin`ny fifanintsanana ny CAN 2022. Ny 30 martsa izao dia handray an`i Niger eo amin`ny andro farany ny Barea de Madagascar. Raha ny fantatra dia hotanterahina ao amin` ny Kianja Barea etsy Mahamasina, amin` ny endriny vaovao, ny fihaonana hikatrohana amin`i Niger. Torak`izany koa ireo lalao fifanintsanana hiadian-toerana ho an`ny Mondial 2022, izay hanomboka ny 31 mey 2021 ny andro voalohany. Raha tsiahivina dia anatin`ny vondrona J i Madagasikara ka hifanintsana amin`ny RD Congo, Tanzania ary Benin. Marihana fa ny daty voatondro hahavitan`izany kianja izany dia mialoha ny fetim-pirenena.

Marigny A.