Sport

Kempo sy MMA Malagasy Namondrona hery tetsy Andavamamba

Sport
Alatsinainy 01 Jolay 2019

Noho ny fiparitahana be loatra misy dia namondrona hery tetsy amin’ny Dojo Dujang Sorang etsy Andavamamba tamin’ny sabotsy

tolakandro teo ny mpiangaly ny taranja haiady fiarovan-tena Kempo sy Mma Malagasy notarihan’i Me Rakotonirina Parfait mpanorina azy teto Madagasikara. Faritra 3 amin’ireo Faritra 6 efa ahitana mpiangaly an’ireo taranja haiady ireto (Analamanga, Matsiatra Ambony, Amoron’i Mania, Vakinankaratra ary Itasy) no nahatonga solontena niatrika an’izany fihaonana izany. Raha ny marina, hoy i Me Parfait, dia fijerena ifotony ny teknika sy fihetsika azo atao sy tsy azo atao amin’ireo taranja ireo no tena natao teny Andavamamba io hahazoana miroso amin’ny fiadiana ny ho tompondaka nasionaly heverina hotanterahina amin’ny faran’ny septambra na voalohandohan’ny oktobra 2019 izao aorian’ny fankatoavan’ny minisiteran’ny fanatanjahantena Malagasy ny Federasion’ny Kempo sy MMA “Mixed Martial Arts” izay tarihako vonjimaika ankehitriny. Miandry an’io fankatoavan’ny minisitera io ihany koa ny GAMMA “Clobal Association Mixed Martial Arts” hahazoan’ny mpikatroka Malagasy miatrika ny fiadiana ny ho tompondaka eran-tany amin’ity taona 2019 ity.

Ntsoavina Evariste