Sport

Karate Wado-Ryu Hizara traikefa amin’ireo zandriny ny mpikatroka tranainy

Sport
Alakamisy 27 Febroary 2020

Tafahaona ireo mpikatroka tranainy Malagasy eo amin’ny taranja karate style Wado-Ryu toa an-dry sensei Lalajaona, dokotera Alexandre,

Davidson, Rajaonarison André, Rivo sns… izay notarihan’ny filohany, ny sensei Rabehasimanitra Jean Louis . Niombon-kevitra izy ireo ny hanao tantsoroka an’ireo mpikatroka zandriny ao amin’ity « style » ity ka hampita ny traikefa sy fahaizan’izy ireo amin’ny alalan’ny fiarahana manoman-tena hotontosaina ao amin’ny foibe MaWaDo ao amin’ny sekoly Sandy Soarano isaky ny alarobia maraina manomboka amin’ny 6 ora. Ny Tale teknika, sensei Rajaonarison Christian, no hitarika ny hetsika. Marihina fa efa nanomboka tamin’ny tapa-bolana lasa izy ity ka heverina hitohy tsy an-kiato intsony.

Ntsoavina Evariste