Sport

Karate - Tompondakan’ny Ligin’Analamanga Handraisan’ireo seksiona 7 anjara amin’ny alahady izao

Sport
Alakamisy 11 Oktobra 2018

Hanatontosa ny fiadiana ny ho tompondaka ao aminy amin’ny alahady 14 oktobra izao etsy amin’ny kianja mitafon’i Mahamasina ny ligin’ny karate eto Analamanga izay hivondronan’ny seksiona 7 (Antananarivo Renivohitra, Atsimondrano, Avaradrano, Anjozorobe, Ankazobe,

Marovatana ary Manjakandriana). Mpikatroka 400 (30 isanisany avy amin’ireo seksiona 7 ireo) avy amin’ny sokajy Cadets, Junior sy Sénior lahy sy vavy fifaninanana an’olon-tokana sy isan-tarika no handray anjara amin’ny fifaninanana izay hifantenana an’ireo hisolotena an’ity ligy ity any amin’ny fifaninanam-pirenena fiadiana ny ho tompondakan’i Madagasikara 2018, hoy Atoa Razakarisoa Jhonny filohany, ary ny « Réglement Karaté Olympique » hisian’ny fiarovana matotra sy combat absolu no hampiharina ho fiomanana amin’ny fidiran’ity taranja ity ho anisan’ny discipline olympique amin’ny taona 2020.

Ntsoavina Evariste