Sport

Karate JKA Maherin�ny 600 ireo mpiofana

Sport
Alakamisy 06 Aogositra 2015

Mpikatroka maherin�ny 600 no manaraka ny fiofanana tarihin�ireo manampahaizana goavana roa amin�ny karate JKA (Japan Karate Association), Sawada Sensei sy Daniel Lautier sensei etsy amin�ny lapan�ny fanatanjahantena Mahamasina maraina sy hariva nanomboka ny talata teo ary hifarana ny sabotsy 8 aogositra izao.

Nanamarika ny fotoam-panokafana ny fanolorana mari-pahaizana ireo afa-pananadinana natao tamin’ny taon-dasa. Iray amin’ireo no nahazo ny grady 5e dan dia Rafiarenana Joseph « Dadou”, enina ireo 2e dan ary 16 ireo 1e dan. Marihina fa misokatra amin’ny grady sy sokajin-taona rehetra ny fiofanana izay hofaranana amin’ny fanadinana fisondrotana grady indray ny sabotsy izao. Hisy ihany koa ny fifidianana fanavaozana ny birao mpitantana ny Madagascar Japan Karate Association ny zoma antoandro izao.

Rasanda Serge