Sport

Karate Fihezama Raikitra ny « Challenge ceinture marron »

Sport
Zoma 27 Jolay 2018

Raikitra ary hotontosaina etsy amin’ny kianja mitafon’Ankorondrano rahampitso sabotsy 28 sy amin’ny alahady 29 jolay 2018 ny « Challenge ceinture marron » sokajy sénior lahy sy vavy sy ny « Open Cadet/Junior » karakarain’ny sampana federaly karate-do Fihezama tarihan’ny filohany Randretsa Faly.

Tao amin’ny fanatanterahana ny antsapaka notontosaina tetsy amin’ny birao federaly tetsy Soarano/Behoririka omaly no nahafantarana fa klioba miisa 31 no handray anjara amin’ity fifaninanana roa sosona ity. Ity no fifaninana voalohany karakarain’ny karate fihezama amin’ity taona ity mba hampakarana lenta an’ireo tanora mpandimby. Amin’ny faha-18 sy 19 aogositra 2018 kosa no hanatanterahana ny « Coupe de vacances » ary ny 22 sy 23 desambra 2018 ny « Coupe Karate Senior Fihezama » samy ao amin’ny kianja mitafon’Ankorondrano avokoa.

Ntsoavina Evariste