Sport

Partagé sur :
• facebook

Nivoaka ankehitriny ny anaran’ireo kaomisiona maharitry ny CAF mandritra ny taom-piasana 2017-2019. Ahitana mpikambana 20 ao anatiny dia Atoa Ahamad (Madagasikara) no filohany. Ghaneana sy Congoley ary Marokanina no filoha lefitra 3 ary Egypsiana no Sekretera Jeneraly “par interim”.

 Mbola filohan’ny “Comité d’urgence” izay ahitana mpikambana 7 koa Atoa Ahamad.  Filohan’ny “Commission des finances” kosa Atoa Fouzi Lekjaoo (Maroc) misy mpikambana 5 ary ahitana mpikambana iray avy aty Madagasikara ao anatiny dia Atoa Patrick Pisal Hamida. Filohan’ny “Commission d’organisation de la coupe d’Afrique des nations » ahitana mpikambana 28 Atoa Amaju Melvin Pinnick (Nigéria). Filohan’ny « Commission d’organisation du championnat d’Afrique des nations » ahitana olona 26 Atoa Hassan Musa Bility (Liberia) ary tafiditra ho mpikambana ao anatiny Atoa Andriamiasasoa Doda (Madagascar). Filohan’ny « Commission d’organisation des compétitions inter-Clubs et de la gestion du système de l’octroi des licences de Clubs » Atoa Tarek Bouchamaoui (Tunisie), misy olona 17 ao anatiny. Filohan’ny « Commission d’organisation des coupe d’Afrique des nations jeunes U 17, U 20 ary U 23 » Atoa Alexander Danny Jordaan (Afrique du Sud), ahitana mpikambana 30 ao anatiny ary anisan’izany Rakotoarimino Theodore (Madagascar). Ny mpikambana ao amin’ny « Commission d’organisation du football féminin » ahitana olona 15 Atoa Isha Johansen (Sierra Leone) mpikambana ao Rajeriarison Patricia (Madagascar). Ny filohan’ny « Commission du développement de futsal et Beach Soccer ahitana olona 18 dia Atoa Moses Magogo (Ouganda) mpikambana ao i Mahaforona Cyril (Madagascar). Filohan’ny « Commission des arbitre » Atoa Suleiman Hassan Waberi (Djibouti), misy olona 9 ao anatiny. Filohan’ny « Commission technique et de développement » Atoa Kalusha Bwalya (Zambie), ahitana olona 17 ao. Filohan’ny « Commission des affaires juridiques et des Associations nationales Atoa Ahmed Yahya (Mauritanie). Filohan’ny « Commission médicale » Atoa Adoum Djibrine (Tchad) misy olona 11 ao anatiny.

Ntsoavina Evariste

Ireo mpikambana ao amin’ny kaomisiona maharitry ny CAF

Tia Tanindrazana

Samia mijoro ho an'i Gasikara.