Sport

Kaominin’i Talatamaty Nahazo kianja vaovao ny pétanque Club

Sport
Alakamisy 29 Jona 2023

Anisan’ny klioba manatanjaka indrindra amin’ny filalaovana tsipy kanetibe ny Pétanque Club Talatamaty, tarihin’ny filohany Rakotomalala Honoré.

Efa namoaka mpandresy teo amin’ny sehatra iraisam-pirenena mantsy izy ireo tamin’ny taona 2017. Efa nahazo ny laharana fahatelo tamin’ny faidiana ny tompondaka eran-tany ihany koa ny zanak’i Talatamaty havanana amin’ity taranja iray ity ka anisan’ny mbola tanjona hokendren’izy ireo ny hamokatra olomanga sy manan-talenta tahaka izany. Mitaky fananana foto-drafitrasa sy traikefa anefa izany antony nanomezan’ny Ben’ny tanana Raharinoasy Elie Dominic kianja ho azy ireo manamorona ny lalam-baovao misy ny ranon’Andranotapahana. Tsiahivina moa fa saika ahitana mpilalao tsipy kanetibe avokoa ireo Fokontany 12 mandrafitra ity kaominina iray ity.
Pati
Legende : Rakotomalala Honoré, filohan’ny Pétanque Club Talatamaty