Sport

Kandida Neypatraiky Nisintona tsy hofidiana intsony

Sport
Alatsinainy 05 Novambra 2018

Anisan’ireo kandida nanatri-maso ny zava-nisy tany Sambava Atoa Neypatraiky Rakotomamonjy izay nanambara fa tena nampalahelo ny zava-nisy tamin’iny sabotsy 3 novambra iny fa betsaka ny zavatra nifamahofaho. Anisan’izany,

hoy izy, ny nisamborana taty Antananarivo tamin’io sabotsy hanatanterahana ny fifidianana FMF io noho ny antony tsy fantatra ny filohan’ny ligin’ny baolina kitran’Analamanga, Atoa Tôta, izay anisan’ireo filoha mahefa koa amin’izany fifidianana izany. Malahelo aho ny milaza etoana sy amin’ireo ligy nanapa-kevitra ny hanohana ahy, hoy ity kandida ity, fa hisintona tsy hofidiana ho filohan’ny FMF indray aho anio sabotsy. Vao hanomboka ve ny fitantanana vaovao, hoy izy, dia efa ady sy fifandirana sahady no mitranga na dia efa mba nambarako aza fa hifanampiana amin’izay ho lany ny fitantanana ny kitra Malagasy. Tsy mifanaraka amin’ny soatoavina Malagasy ny zava-misy ka aiza amin’izany ny hampiroboroboana an’ity kitra Malagasy ity ?

Ntsoavina Evariste