Sport

Kandidà ho filohan` ny CAF Amin`ny 12 janoary no mivoaka ny lisitra

Sport
Alatsinainy 04 Janoary 2021

Vonona hiatrika ny fandinihana ny antontan-taratasy filatsahan-kofidiana ho

filohan`ny Kaonfederasionina Afrikanina (CAF) amin` ny taranja baolina kitra, i Augustin Senghor, filohan` ny federasionina baolina kitra any Senegal. “Mahatoky tena tsara aho” hoy izy raha nanontaniana ny fankatoavana ny kandidatiorany. Marihana fa amin`ny 12 janoary izao no hivoaka ny lisitr`ireo kandidà hifaninana amin` ny fifidianana izay ho filohan` ny Kaonfederasionina Afrikanina (CAF). Ankoatra azy, dia miisa efatra ireo efa nametraka ny antontan-taratasy filatsahan-kofidiana amin`io toerana io. Ahmad Yahya, filohan`ny Federasionina mauritanianina, Mamelodi Sundowns, Patrice Motsepe ary Jacques Anouma, filoha teo aloha nitarika ny federasionina ivoarianina. Andrasana na ho anisan`ireo na tsia ny Filoha am-perinasa Ahmad, izay nosazain` ny federasionina iraisam-pirenena. Izy izay efa nanao fampakarana ny raharaha fanodikodinam-bola sy fanaparam-pahefana nitoriana azy.

Marigny A.