Sport

Kandidà Gasy N°3 Nanolotra « Tournoi Pétanque » ho an’ny tanoran’Andoharanofotsy

Sport
Alatsinainy 18 Novambra 2019

Nanolotra « Tournoi Pétanque » ho an’ny tanora tao Andoharanofotsy, ny kandida Ranary Lala na Gasy N°3 ao anaty bileta tokana.

Ny sabotsy lasa teo no nanokafan’ity kandida ity, ny lalao tamin’ny fomba ofisialy, tao amin’ny kianja Antsena Be (Lava). Nambaran’ny kandida Gasy fa vonona ny hitondra ny taranja rehetra na basket na foot na baolina lavalava na tsipy kanetibe, ho ambonimbony kokoa ny kandida Gasy, rehefa tonga eo amin’ny toeran’ny ben’ny tanàna, hoy izy ary resy lahatra izy fa hahazo tombony ireo tanora ireo. Nisy ny loka nozaraina ka ny voalohany nahazo lelavola 150.000 ariary, ny faharoa 70.000 ariary ary ny fahatelo 35.000 ariary niampy T. shirt sy kasikety an’ny antoko Tia Tanindrazana. Farany, nambaran’ny kandidà Gasy fa hijoro handray ny andraikitra ary vonona ny hitondra ny fampandrosoana an’ny kaominina Andoharanofotsy izy.

Sitraka r.