Sport

K2HB sy ny rafitra baolina kitra Malagasy Mangataka ny hanaovana fifidianana amin’ny 2020

Sport
Alatsinainy 12 Martsa 2018

Niteraka olana teo amin’ny baolina kitra ny fifidianana tao anatin’ny 16 taona ary nampiraviravy tanana ny maro izay mpanohana ny klioba, ny mpanazatra sy mpilalao …,

hoy ny K2HB na Komity Hamerina ny Hasin’ny Baolina, satria misy foana ny fitantanana tsy refesi-mandidy tian-kano sy tsy tian-kano ary ny tetika maloto fandentehana mandritra ny filatsahana kandida izay te hifaninana amin’ny fitantanana ny baolina kitra teto amintsika eo amin’ny fifidianana. Deraina manokana kosa anefa, hoy ny K2HB, ny fanapahan-kevitry ny FIFA nanemotra ny fifidianana rehetra ary tokony hotohanana, koa samia isika rehetra manomana ny fitarainana na « requettte » isaky ny ligim-paritra.

Mangataka ny K2HB mba ho amin’ny taona 2020 no hanatanterahana ny fifidianana rehetra (seksionina, ligy, Federasion). Tokony hiverina amin’ny ara-dalàna sy ny lalàna iraisam-pirenena ka hanaraka ny “Cycle Olympique” iarahan’ny tontolon’ny fanatanjahantena eran-tany koa izany.

Ntsoavina Evariste