Sport

Judo Tour Atsinanana no handray ny andiany fahatelo

Sport
Talata 24 Novambra 2020

Ny ligin` ny Atsinanana no handray ny fifaninanana andiany fahatelo amin`ny “Judo Tour”

karakarain`ny klioba Afrika amin`ny taranja Judo. Misokatra ho an`ny ligy rehetra manerana ny nosy ity hetsika ity ary natokana ho an` ny ankizy latsaky ny 15 taona. Ny 26 hatramin` ny 30 novambra izao ny hanatanterahana ity hetsika iray ity izay hanamarihana ity taom-pikatrohana 2020 ity no sady tsy hahataona fotsy izany. Voaantso handrafitra ny ekipa nasionaly amin` ny taranja Judo ireo atleta miisa telo avy amin'ny ligin` Atsinanana. Hiatrika ny fampivondronana miaraka (stage bloqué) ao amin'ny lapan'ny fanatanjahantena Mahamasina izy ireo mialohan'ny fiadiana ny tompon-dakan'i Afrika amin'ity taranja ity, izay hotanterahina ao Antananarivo ny 17 hatramin'ny 20 desambra izao.

Marigny A.